ქართული საგალობლების ნოტები
PDF ფორმატში

ღვითსმშობელო ქალწულო, გიხაროდენ, მიმადლებულო მარიამ, უფალი შენთანა. კურთხეულ ხარ შენ დედათა შორის და კურთხეულ არს ნაყოფი მუცლისა შენისა, რამეთუ მაცხოვარი გვიშევ სულთა ჩვენთა.

დიდება მამასა და ძესა და წმიდასა სულსა.
ნათლისმცემელო ქრისტესო, ჩვენ ყოველნი მოგვიხსენენ, რათა ვიხსნეთ უსჯულოებათა ჩვენთაგან, რამეთუ შენდა მოცემულ არს მადლი მეოხებად ჩვენდა.
აწ და მარადის და უკუნითი უკუნისამდე. ამინ.
მეოხ გვეყვენით ჩვენ, წმიდანო მოციქულნო და ყოველნო წმიდანო, რათა ვიხსნეთ ღელვათა და ჭირთა ჩვენთა, რამეთუ თქვენ მხურვალედ ზედამდგომელად მაცხოვრისა ღვთისა მიმართ მოგიგებთ.
მოწყალებასა შენსა მოვილვტვით, წმიდაო ღვთისმშობელო, ვედრებასა ჩვენსა ნუ უგულებელჰყოფ, არამედ ღელვათა და ჭირთაგან გვიხსენ ჩვენ, მხოლოო კურთხეულო.

რაჟამს ლოდი იგი დაბეჭდულ იყო ურიათა მიერ და მხედარნი ჰსცვიდეს უხრწნელსა გუამსა შენსა, ხოლო შენ აღდეგ მესამესა დღესა, და მოანიჭე სოფელსა მშვიდობა, ამისთვისცა ძალნი ცათანი გიღაღადებენ შენ, ცხორების მომცემელო: დიდება აღდგომასა შენსა ქრისტე, დიდება მეუფებასა შენსა, დიდება გარდამოსლვასა შენსა, მხოლოო კაცთ-მოყუარე.
რაჟამს შთახედ საფლავად ცხორება ეგე უკუდავი, მაშინ ჯოჯოხეთი შეაძრწუნე ელვითა მით ღუთაებისა შენისათა, ხოლო რაჟამს მკუდარნი ქუესკნელით აღმოიყვანენ, მაშინ ყოველნი ძალნი ცათანი ღაღადებდნენ: ცხორების მომცემელო ქრისტე ღმერთო, დიდება შენდა.

იხარებდინ ცანი და იშუებდინ ქუეყანა, რამეთუ ჰყო სიმტკიცე მკლავითა თვისითა უფალმან, დასთრგუნა სიკვდილითა სიკვდილი, და პიმშო ექმნა შესვენებულთა, მუცლისაგან ჯოჯოხეთისა მიხსნნა ჩუენ, და მოანიჭა სოფელსა დიდი წყალობა.
ბრწყინვალე იგი აღდგომისა ქადაგება ანგელოზისაგან ისწავეს უფლისა მოწაფეთა დედათა, და პირველი იგი წყევა განაგდეს და მოციქულთა სიხარულით ეტყოდეს: დაიხსნა სიკვდილი, რამეთუ აღსდგა ქრისტე მკვდრეთით და მოანიჭა სოფელსა დიდი წყალობა.
თანა-დაუსაბამოსა მას სიტყვასა მამისა და ყოვლად წმიდისა სულისასა, რომელი უშვა ქალწულისაგან ცხორებად ჩუენდა, უგალობდეთ მორწმუნენო და თაყვანის-ვცემდეთ, რამეთუ სათნო იჩინა აღსლვა ხორცითა ჯვარსა ზედა, სიკვდილი დასთრგუნა და აღადგინა მკვდარნი დიდებულითა მით აღდგომითა თვისითა.

ანგელოზთა ძალნი დიდებულსა საფლავსა შენსა ზედა იხილეს, და მცველნი იგი მკუდარ-იქმნნეს, სდგა მარიამ საფლავსა მას თანა და ეძიებდა შემურვად უხრწნელსა გვამსა შენსა, ხოლო შენ წარმოსტყვენე ჯოჯოხეთი, და არა გევნო მის მიერ, ახარე ქალწულსა ცხორება საუკუნო, რომელი აღდეგ მკვდრეთით, უფალო, დიდება შენდა.
დახსენ ჯვარითა შენითა სიკვდილი და განუღე ავაზაკსა სამოთხე, და მენელსაცხებლეთა მათ გლოვაი შესცვალე სიხარულად, და მოციქულთა უბრძანე ხარება, ვითარმედ აღდგა უფალი, რომელსა აქვს დიდი წყალობა.
მაღლით გარდამოხედ მაცხოვარო ჩუენო, ჯვარცმა თავს იდევ და სამისა დღისა დაფლვა, რათა ჩუენ განმათავისუფლნე ცოდვათა ჩვენთაგან, ცხორებაო და აღდგომაო ჩვენო, უფალო, დიდება შენდა.

დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
გაბრიელ გიღაღადა ქალწულსა, გიხაროდენ, ხოლო ხმასა მას თანა განხორციელდა ყოველთა მეუფე შენ შორის წმიდასა მაგას კიდობანსა, ვითარცა სთქვა მართალმან დავით: იხილვე უვრცელეს ცათა იტვირთე რა დაბადებული შენი, დიდება რომელი დაემკვიდრა შენ, დიდება რომელი გამოვიდა შენგან, დიდება რომელმან განმათავისუფლნა ჩვენ შობითა თვისითა შენგან.

დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
ყოველივე საიდუმლო შენი, ღვთისმშობელო ზეშთა ბუნებისა არს და ზეშთა დიდებისა სიწმიდით დაბეჭდული და ქალწულებით დაცული და იცნობე უტყუელად, რამეთუ ღმერთი შევ უცვალებელად, მას ევედრე ცხოვრებად სულთა ჩვენთათვის.

დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
შენ შუამდგომელსა ცხოვრებისა ჩვენისასა გიგალობთ, ღვთისმშობელო ქალწულო, რამეთუ ხორცითა მით, რომელ შენგან მიიხვნა ძემან შენმან და ღმერთმან ჩვენმან, ჯვარითა ვნება თავს იდვა და მიხსნა ჩვენ ვითარცა კაცთმოყვარე არს.

დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
რომელი საუკუნითგან დაფარულ იყო და ანგელოზთაგან უცნაურ საიდუმლო, ღვთისმშობელო, შენ მიერ კაცთა გამოეცხადა, ღმერთი შეურევნელად შენგან განხორციელდა, რომლისათვისცა აღადგინა პირველ დაძინებულნი და იხსნა მან სიკვდილისაგან სულნი ჩვენნი.

დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
რომელმან კურთხეულ უწოდე დედასა შენსა, მოხვედ ნებსით განზრახვით ძიებად და მისა გამობრწყინდი ჯვარსა ზედა, ეტყოდი ანგელოზთა: იხარებდით თქვენ ჩემ თანა, რამეთუ იპოვა წარწყმედული დრაქმა, რომელმან ყოველივე სიბრძნით განაგე, ქრისტე ღმერთო, დიდება შენდა.

დიდება მამასა და ძესა და წმიდასა სულსა, აწ და მარადის და უკუნითი უკუნისამდე, ამინ.
ვითარცა ჩვენისა აღდგომისა საუნჯე ხარ, ღვთისმშობელო და რომელი შენდა მოვილტვი მღვიმისაგან უფსკრულისა ცოდვათასა აღმომიყვანენ, რამეთუ შენ თანამდებნი ცოდვათანი დახსენ შევ რა უფალი, პირველ შობისა ქალწულო და შობასა ქალწულო და შემდგომად შობისა კვალად ქალწულო.
რომელი ჩვენთვის იშევ, ქრისტე, ქალწულისაგან, ჯვარცმა დაითმინე სახიერ, რომელმან სიკვდილითა სიკვდილი მოაკვდინე, აღდგომა მოგვმადლე, ვითარცა ღმერთ ხარ, და ნუ უგულებელსჰყოფ რომელი შექმნეს ხელთა შენთა, არამედ აჩვენე კაცთმოყვარება შენი, მოწყალე, და მიიღე რომელმან გშვა შენ, ღვთისმშობელისა ვედრება ჩვენთვის და აცხოვნე, მაცხოვარო ჩვენო, ერი განწირული.

შობამან შენმან, ღვთისმშობელო ქალწულო, სიხარული აუწყა ყოველსა სოფელსა, რამეთუ შენგან აღმოგვიბრწყინდა მზე სიმართლისა, ქრისტე ღმერთი ჩუენი, დახსნა წყევა, და მოგვმადლა კურთხევა და განაქარვა სიკვდილი, და მოგვანიჭა ჩვენ ცხოვრება საუკუნო.
გადიდებთ შენ, ყოვლადწმიდაო ქალწულო და პატივს ვსცემთ წმიდათა მშობელთა შენთა და ყოვლადწმიდასა შობასა შენსა ვადიდებთ.

ადიდებს სული ჩემი ყოვლად დიდებულსა შობასა ღვთისა დედისასა.
რომელმან შევ მთიები მზისა უწინარესი ღმერთი, ხორციელ ქმნილი მოსრული ჩვენდა, საშოსა შენისაგან ხორციელად გამოგვიჩნდა გამოუთქმელად სიმდაბლით, ამისთვის ღვთისმშობელო, სამართლად გადიდებთ.

აცხოვნე, უფალო, ერი შენი და აკურთხე სამკვიდრებელი შენი, ძლევა ჯვარითა ბარბაროზთა ზედა ღმრთივდაცულსა ერსა ჩუენსა მოანიჭე და საფარველსა ქვეშე მისსა დაიცევ, რათა ვიტყოდეთ: უფალო, დიდება შენდა.

გადიდებთ შენ, ცხოვრებისმომცემელო ქრისტე, და პატივს ვსცემთ წმიდასა ჯვარსა შენსა, რომლითა მონებისაგან მტერისა მიხსენ ჩვენ.
ადიდებს სული ჩემი ყოვლადპატიოსანსა ჯვარსა უფალისასა.
საიდუმლო სამოთხე ხარ, ღვთისმშობელო, რომელმან უმუშაკოდ აღზარდე ქრისტე, ხოლო ჩვენ ჯვარითა ცხოვრებაშემოსილნი ქვეყანასა ზედა დანერგულსა ძელსა ამისთვის აწ აღვამაღლებთ და თაყვანის-ვსცემთ მას და შენ გადიდებთ.

დღეს განგებულებისა ღმრთისა დასაბამი არს, და საუკუნითგან საიდუმლოსა მის აღსრულებისა დაწყება, რამეთუ ტაძარსა შინა ღმრთისასა ქალწული დაემკვიდრების, და ქრისტესა ყოველთა გვახარებს, ამას უღაღადოთ ხმა-მაღლად: გიხაროდენ განგებულებისა ღმრთისა აღსასრულო.

55,9 KB

ანგელოზთა რა იხილეს შესვლა ყოვლადწმიდისა, დაუკვირდათ, ვითარ ქალწული შევალს წმიდათა შორის წმიდათასა.
კიდობანსა მას სჯულისასა ვერ შეეხებოდა ხელი ყოველთა, ხოლო აქა დღეს ბაგენი ჩვენ მორწმუნეთანი ხმითა დაუდუმებელითა ესრეთ გაბრიელისა თანა ვიტყოდეთ: გიხაროდენ მიმადლებულო, უფალი შენთანა.

83,4 KB

შობამან შენმან ქრისტე ღმერთო, აღმოუბრწყინვა სოფელსა ნათელი მეცნიერებისა, რამეთუ, რომელნი ვარსკულავსა მსახურებენ, ვარსკულავისაგან ისწავეს თაყუანის-ცემა შენი, მზეო სიმართლისაო, რომელი აღმობრწყინდი მაღლით აღმოსავალთად, უფალო დიდება შენდა.

54,3 KB

ადიდე სულო ჩემო უპატიოსნელი მაღლისა მხედრობათა ქალწული ყოველადწმიდა ღვთისმშობელი.
საიდუმლო უცხო და დიდებული ვიხილეთ: ქვაბი ცათა ემსგავსა, ქალწული ქერუბიმთა, ხოლო ბაგა სახე იქმნა სამყაროსა, რამეთუ დაიტია დღეს ქრისტე ღმერთი დაუტევნელი, რომელსა ვადიდებთ.

67,6 KB

რაჟამს იორდანეს ნათელ იღე შენ, უფალო, მაშინ სამებისა თავყანისცემა გამოსჩნდა, რამეთუ მამისა ხმა გეწამებოდა, და საყუარელად ძედ სახელ-გვდა შენ, და სული წმიდა სახითა ტრედისათა დაამტკიცებდა სიტყვისა მის უცდომელობასა, რომელი განსცხადენ, ქრისტე ღმერთო, და ყოველი სოფელი განანათლე, დიდება შენდა.

55,1 KB

ადიდე სულო ჩემო უპატიოსნელი მაღლისა მხედრობათა ქალწული ღვთისმშობელი ყოველადწმიდა.
ვერ შემძლებელ ვართ დიდებად შენდა ჯერისაებრ ქვეყანისანი და მოუძლურდებიან ზეცისანი ღვთისმშობელო, რამეთუ უზეშთაეს იქმენ, შეიწირე სარწმუნოება ჩვენი, უწყით სიყვარული შენი, ვითარცა ნათელსა ქრისტეანობისასა გადიდებთ.

74,9 KB

გიხაროდენ მიმადლებულო ღვთისმშობელო ქალწულო, რამეთუ შენგან განხორციელდა მხსნელი სოფლისა, ქრისტე ღმერთი ჩვენი, იხარებდ შენცა მოხუცებულო მართალო სვიმეონ, რამეთუ მიიქუ მკლავთა შენთა განმათავისუფლებელი სულთა ჩვენთა, რომელი მოგვანიჭებს ჩვენ დიდსა წყალობასა.

73,5 KB

წერილთა მიერ სჯულისათა მოგვესწავა ჩვენ მორწმუნეთა, ვითარმედ ყოველივე წული პირველ საშოსა განმღებელი წმიდა უფლისა იწოდოს. აჰა, დღეს ვიხილოთ ჩვენ პირმშო ზეცით და ქვეყანით და სარწმუნოებით ვადიდებთ.
დღეს ცხორებისა ჩუენისა თავი არს, და საუკუნითგან დაფარულისა მის საიდუმლოსა გამოცხადება, რამეთუ ძე ღმრთისა ძედ ქალწულის იწოდების, და გაბრიელ ახარებს მადლსა მას, რომელსა ჩუენცა ხმამაღლად უღაღადოთ: გიხაროდენ, მიმადლებულო, უფალი შენ თანა.

98,8 KB

მთასა ზედა ფერი იცვალე, ქრისტე ღმერთო, და უჩუენე მოწაფეთა შენთა დიდება შენი ძალისაებრ მათისა და გამოგვიბრწყინვე ჩუენცა, ცოდვილთა ნათელი შენი მიუაჩრდილებელი, მეოხებითა ღმრთისმშობელისათა ნათლისა მომცემელო უფალო, დიდება შენდა.
ადიდე სულო ჩემო მთასა ზედა ფერისცვალება უფლისა.

75,4 KB

შობა შენი უხრწნელ არს ქალწულო, ღმერთო მუცლით შენით გამოვიდა, განხორციელებული კაცთა შორის იქცეოდა, ამისთვისცა ჩვენ შენ ღვთისმშობელო, მარადის ყოველნი გადიდებთ.

46,4 KB

შობასა ქალწულება დაიმარხე და მიცვალებასა სოფელი არა დაუტევე, ღმრთისმშობელო, მიხვედ ცხორებად დედა ეგე ცხოვრებისა, და აწ მეოხებითა შენითა იხსნი სიკვდილისაგან სულთა ჩუენთა.
ანგელოზთა მიცვალება ყოვლადწმიდისა იხილეს და უკვირდათ ვითარ ქალწული აღვალს ქვეყანით ზეცად.

60,6 KB

ძლეულ იქმნეს ბუნებანი მეტყველნი შენთვის ქალწულო უსძლოო. ქალწულებრივი შობა და სიკვდილი ცხოვრებისმომცემელი და შემდგომად შობისა ქალწულად ჰგიე და მოკვდავი ცხოველ ხარ ღვთიმსშობელო, სამართლად გადიდებთ შენ.

59,1 KB

ყოველსა აღდგომასა პირველ ვნებისა შენისასა მოასწავებდი, ამისთვისცა მეგობარი შენი ლაზარე მკვდრეთით აღადგინე, ქრისტე ღმერთო, რომლისათვის ჩვენცა, ვითარცა შვილნი ებრაელთანი, შევწირავთ შენდა ძლევისა გალობასა, რომელმან დასთრგუნე სიკვდილი: ოსანნა მაღალთა შინა, კურთხეულ არს მომავალი სახელითა უფლისათა.

59,8 KB

დაფლულნი შენთანა ნათლისღებითა, ქრისტე ღმერთო ჩვენო, უკვდავსა ცხოვრებასა ღირს ვიქმენით აღდგომითა შენითა და სიხარულით ვღაღადებთ: ოსანა მაღალთა შინა, კურთხეულ არს მომავალი სახელითა უფლისათა.
ღმერთი უფალი და გამოგვიჩნდა ჩვენ დღეს, განმზადეთ დღესასწაული და მხიარულებით მოვედით და განვადიდოთ ქრისტე ბაიათა და რტოებითა ქებისმეტყველთა: კურთხეულ არს მომავალი ჩვენდა სახელითა უფლისათა უკუნისამდე.

99,0 KB

ამაღლდი დიდებით, ქრისტე ღმერთო ჩვენო, და მხიარულ ჰყვენ მოწაფენი აღთქმითა მით სულისა წმიდისათა, განამტკიცენ რა იგინი კურთხევითა მით, რამეთუ შენ ხარ ძე ღმრთისა, მხსნელი სოფლისა.
ჰშევ, ქალწულო, მიუწთომელი ბუნებათა, უჟამოდ გამოუთქუმელი, ამისთვის უბიწოო, ყოველნი მორწმუნენი გადიდებენ შენ.

73,7 KB

კურთხეულ ხარ შენ, ქრისტე ღმერთო ჩუენო, რომელმან ყოვლად ბრძნად მეთევზურნი გამოაჩინენ, მიჰფინე რა მათ ზედა ყოვლად-წმიდა სული შენი, და მათ მიერ ყოველი სოფელი მოინადირე, კაცთ-მოყუარე, დიდება შენდა.
მოციქულთა რა იხილეს გარდამოსვლა ნუგეშინისმეცმელისა, დაუკვირდათ ვითარ სახითა ცეცხლისათა გამოჩნდა სულიწმიდა (მოციქულთა რა იხილეს შესვლა ქრისტესი იერუსალემს შინა, დაუკვირდათ ვითარ ყრმანი ერთა თანა უგალობდენ ოსანასა).

67,7 KB

გიხაროდენ შენ, წმიდაო დედუფალო, დედათა დიდებაო, ქალწულთა თვალო, რამეთუ მეტყუელებად ვერ შემძლებელ ვართ ღირსად ქებასა შობისა შენისასა, ამისთვის სარწმუნოებით გადიდებთ შენ.

48,3 KB

ყოველსა ქვეყანასა განხდა ხმა შენი, რომელმანცა შეიწყნარა სიტყვა შენი, რომლითა ღმრთივშუენიერად ჰქადაგე სარწმუნოება, ბუნებანი დაბადებულთანი გამოაცხადენ, წესნი კაცთანი განაბრწყინვენ და სამეფო იგი მღუდელობა განაშუენე, წმიდაო მღუდელ-მთავარო ბასილი, ევედრე ქრისტესა ღმერთსა შეწყალებად სულთა ჩუენთათვის.
რომელი საყდართა ზედა ცეცხლის ფერთა, მაღალთა შინა მჯდომარე იყავ თანა დაუსაბამოსა მამისა და სულისა წმიდისა, სათნო იყავ შობად ქუეყანასა ზედა ქალწულისა უქორწინებელისა დედისა შენისაგან იესუ, ამისთვისცა მერვესა დღესა წინა-დაცვეთა თავს იდევ ვითარცა კაცმან. დიდება სახიერსა განზრახვასა შენსა, დიდება განგებულებასა შენსა, დიდება გარდამოსლვასა შენსა, მხოლოო კაცთმოყვარე.

99,5 KB

სიტყვისა ღვთისა მსახურთა თანა მოსაგრეო და ანდრიას ქადაგებისა წარმართებაო, ქართველთა განმანათლებელო და სულისა წმიდისა ქნარო დედაო ნინო, ევედრე ქრისტესა ღმერთსა შეწყალებად სულთა ჩვენთათვის.
ტყევთა განმათავისუფლებელო და გლახაკთა ხელის აღმპყრობელო, სნეულთა მკურნალო და მეფეთა უძლეველო წინამბრძოლო, ღვაწლით შემოსილო, დიდო მოწამეო გიორგი, ევედრე ქრისტესა ღმერთსა შეწყალებად სულთა ჩვენთათვის.

64,4 KB

კანონად სარწმუნოებისა და ხატად სიმშვიდისა, და მოძღვრად მარხვისა გყო შენ ქრისტემან, სამწყსოსა შენისათვის ჭეშმარიტებით, ამისთვისცა მოიგე სიმდაბლითა სიმაღლე და სიგლახაკითა სიმდიდრე, წმიდაო მღვდელთმთავარო ნიკოლოზ, ევედრე ქრისტესა ღმერთსა შეწყალებად სულთა ჩვენთათვის.
წინასწარმეტყველო და წინამორბედო ქრისტეს მოსლვისაო, ღირსად ქებად შენდა ვერ შემძლებელ ვართ ჩუენ, რომელნი სურვილით პატივს-გცემთ, რამეთუ ბერწობაჲ დედისა და უტყვებაჲ მამისა დაიხსნა დიდებულითა და პატიოსნითა შობითა შენითა, და განხორციელებაჲ სიტყვისა ღმრთისა სოფელსა ექადაგა.

ვითარცა მოციქულთა უპირატეს წოდებული და ძმა უაღრესისა მათისა, მეუფესა ყოველთასა ევედრე, ანდრია, რათა სოფელსა მშვიდობა მოანიჭოს, და სულთა ჩუენთა დიდი წყალობაჲ.

40,6 KB

კათოლიკე ეკლესიისა დღესასწაული სუეტისა წმიდისა და კვართისა საუფლოსა: ნათელი შემოჰკრებს კიდეთა სოფლისათა უკუდავებად წმიდად მირონსა გვიწყაროებს: რომელნი წმიდასა ღვთისმშობელსა და მისგან შობილსა ქრისტესა თაყვანისვჰსცემთ: რათა ვჰპოვოთ ცხოვრება სულთა ჩუენთა.

64,4 KB

ბარბარესა წმიდასა პატივს-ვსცემდეთ, რამეთუ მტერისა საფრხენი შემუსრნა, და ვითარცა სირი განერა მახისაგან შეწევნითა და საჭურველითა პატიოსნისა ჯუარისათა.
ღვაწლით შემოსილო წმიდაო მკურნალო პანტელეიმონ, ევედრე მოწყალესა ღმერთსა, რათა ცოდვათა შენდობა მოგვანიჭოს და სულთა ჩვენთა დიდი წყალობა.
შემწე დიდი გპოვა შენ ჭირთა შინა სოფელმან თესალონიკემან, ღვაწლით შემოსილო მხედარო უფლისაო დიმიტრი, მომსრველო უღმრთოთა წარმართთაო და ხელის აღმპყრობელო ქრისტიანეთაო, რომელმან ამპარტავნებაი უსჯულოისა ლეოსი დაამხუ, და ბრძოლასა შინა ნესტორ განაძლიერე, აწცა ღმერთშემოსილო, ქრისტესა ღმერთსა, ევედრე მონიჭებად სულთა ჩუენთა დიდი წყალობაი.

113 KB

წამებისა გვირგვინითა შეიმკვე მეუღლისა შენისაგან, დედოფალო, წმიდაო შუშანიკ და წარმავალისა დედოფლობისა წილ მოიგე სუფევაჲ წარუვალი და აწ კადნიერად მდგეომარე ხარ წინაშე სიძისა შენისა, უკვდავისა ქრისტესა, მეოხ გვეყავ მაქებელთა შენთა, სანატრელო.

59,4 KB

შენ შორის, საკვირველო მამაო, კეთილად დაცულ იქმნა ხატება, რამეთუ აღიღე ჯვარი და შეუდეგ ქრისტესა, და მოქმედი ასწავებდი შეურაცხყოფასა ხორცთასა, ვითარცა წარმავალსა, ხოლო ღვწასა სულისასა ვითარცა უკვდავისა არსებისასა, რომლისა-თვისცა ანგელოზთა თანა იხარებდეს სული შენი, ნეტარო გრიგოლ.
ფშვის ქვეყანა ქართლისა სულნელებითა გადმოთარგამენითა წერილთა შენთათა და უმეცრებისა გვალვითა განხმელი ერი ქართველთა სწავლათა შენთა წვიმისა სიხშოთა მწყურნებნი შენდავე მოვივლტით და ითხოვე ღვთისაგან მშვიდობა მორწმუნისათვის მეფისა ჩვენისა და ერისა მისისა ხსნა უღლისაგან მტერთასა.

104 KB

საკვირველება, რომელი ქმენ, უფალო, წმიდისა შენისა შორის კეთილმორწმუნისა მეფისა დავითისა, ზესთა აღხდების გონებასა სიტყვის მოქმედთასა რამეთუ ადიდე იგი სახელისათვის შენისა, ვიდრე დახსნამდე სარკინოზთა ბრწყინვალეთა მიერ ძლევათა ყოველად საკვირველთა, ხოლო შემდგომად დაზსნისა სარკინოზთასა დიდებულ ჰყავ ნიშთა მიერ საკვირველთა, რომლისა ოხითა მოეც სულთა ჩუენთა დიდი წყალობა.
მოწყლულმან სურვილითა საღმრთოჲთა, წყლულებანი მრავალი თავს ისხენ და ტანჯვათა ფერადობანი ახოვნად დაითმინენ, ვინაცა წარმავალისა დედოფლობისა წილ სუფევაჲ ზეცისა დაიმკვიდრე, სამგზის სანატრელო ქეთევან, ევედრე ქრისტესა ღმერთსა შეწყალებად სულთა ჩუენთათვის.

117 KB

ვითარცა ზენათა სამყაროსა მშვენიერება გამოაჩინე ქვენაცა ბრწყინვალედ წმიდისა საყოფელისა დიდებისა უფალო და დაამტკიცე ესე უკუნითი უკუნისამდე და შეიწირენ მასდა დაუცხრომელად შენდა შეწირულნი თხოვანი ჩვენნი ღვთისმშობელისა მიერ ყოველთა ცხოვრებაო და აღდგომაო.

65,7 KB

იშვებდ დღეს ქვეყანა ქართველთა დღესასწაულსა დიდისა ამის მეფისასა, რამეთუ ქრისტესთვის მრავალ ფერნი ტანჯვანი მოითმინა და წარმავალისა მეფობისა დამტევებელმან წარუვალი სიმდიდრე სუფევისა მოიგო. მოწამეთა შორის საჩინომან ლუარსაბ და აწ მეოხ არს ჩუენ მაქებელთა მისთათვის.

62,8 KB

ხსენება მართლისა ქებით აღესრულებით, ხოლო შენდა კმა არს წამება უფლისა, წინამორბედო, რამეთუ ჭეშმარიტად გამოსჩნდი უდიდებულეს წინასწარმეტყველთა და რამეთუ ქადაგებულსა მას შენ მიერ, წყალთა შინა ღირს იქმენ ნათლისცემად და იწამე ჭეშმარიტებისათვის, და სიხარულით ახარე მყოფთა ჯოჯოხეთისათა ღმერთი, ხორითა და სიხარულით ახარე გამოჩინებული, და აღმხმელი ცოდვათა სოფლისათა, რომელი მოგვანიჭებს ჩუენ დიდსა წყალობასა.
მოციქულთა თავნო და ყოვლისა სოფლისა მოძღვარნო, მაცხოვარსა ყოველთასა ევედრენით, რათა მოსცეს სოფელსა მშვიდობა და სულთა ჩვენთა დიდი წყალობა.

94,0 KB

ღირს-არს ჭეშმარიტად, რათა გადიდებდეთ, შენ ღვთისმშობელო, რომელი მარადის სანატრელ იქმენ. ყოვლად-უბიწოდ და დედად ღვთისა ჩვენისა. უპატიოსნესსა ქერუბინთასა, და აღმატებით უზესთაესსა სერაბინთასა, განუხრწნელად მშობელსა სიტყვისა ღვთისასა, მხოლოსა ღვთისმშობელსა გალობით გადიდებდეთ.
ტონ დესპოტინ კე არქიერეა იმონ კირიე ფილატე ისპოლა ეტიდესპოტა.

80,8 KB

იხარებს სული შენი უფლისა მიერ, რომელმან შთაგაცვა შენ სამოსელი ცხოვრებისა და კვართი სიხარულისა, შეგმოსა ვითარცა სიძესა, დაგადგა გვირგვინი, ვითარცა სძალი, შეგამკო სამკაულითა მარჯვენე შენი, უფალო, დიდებულ არს ძალითა შენითა, მარჯვენემან შენმან მოსრნა მტერნი, კურთხეულ, მოსცა მადლი მღვდელმთავართა მისთა და სიმართლისა გიძღოდეს მარჯვენე შენი.

64,3 KB

მოვედით თაყვანი ვსცეთ და შეუვრდეთ ქრისტესა. გვაცხოვნენ ჩვენ, ძეო ღვთისაო, აღდგომილო მკვდრეთით (წმიდათა შორის საკვირველო) მგალობელნი შენნი, ალილუია.
მრავალჟამიერ.

87,6 KB

წმიდაო ღმერთო, წმიდაო ძლიერო, წმიდაო უკუდავო, შეგვიწყალენ ჩვენ.

66,5 KB

წმიდაო ღმერთო, წმიდაო ძლიერო, წმიდაო უკუდავო, შეგვიწყალენ ჩვენ.
უფალო შეგვიწყალენ. შენ უფალო.

51,0 KB

რომელი ქერუბინთა საიდუმლოდ ვემსგავსენით, და ცხოველსმყოფელსა სამებასა, სამწმიდა არსობისა გალობასა შევსწირავთ, ყოველივე მსოფლიო დაუტევოთ ზრუნვა
და ვითარცა მეუფისა ყოველთასა, შემწყნარებელსა ანგელოსთაებრ უხილავად, ძღვნის შემწირველთა წესთასა, ალილუია, ალილუია, ალილუია

141 KB