ევედრებიან დამბლის, ყვავილის, ფეხის
ტკივილისაგან განსაკურნებლად,
ბოროტ ძალთა თავდასხმისას და მოულოდნელად
სიკვდილისაგან დასაცავად
ყოვლადწმიდაო დედუფალო ღუთისმშობელო, მეოხო ყოველთა ქროსტეანეთაო, არა არს ჩუენდა სასო თვნიერ შენსა, ყოვლადუხრწნელო დედუფალო ჩუენო, ღუთისმშობელო, დედაო ქრისტეს ღუთისა ჩუენისაო, შემიწყალე და განმათავისუფლე ყოველთა ცოდუათა ჩემთაგან და ძესა შენსა და მოწყალესა ღმერთსა ჩუენსა ევედრე, რაჲთა შეიწყალოს მოწყლული სული ჩემი, მიხსნას საუკუნოჲსა საშჯელისაგან და ღირს მყოს მე თვსსა სასუფეველსა.
ჰოი, ყოვლადწმიდაო დედუფალო ღუთისმშობელო, ზეცისა სძალო, შემიწყალე და მაცხოვნე ცოდვილი ესე მონაჲ შენი ცილისწამებისაგან, ყოვლისა განსაცდელისა და ზედამოსვლისა და მოულოდნელისაგან სიკუდილისა. მიცევ მე ჟამსა შუვადღისასა, მწუხრისა ჟამსა და ცისკარსა დამიცევ მე: დამიფარე მდგომარეჲ და მჯდომარეჲ და ყოველსა გზასა ზედა მავალი და ღამესაცა ყოველსა, ძილსა შინა მყოფი დამიფარე და მეოხ მექმენ. დამიცევ მე, დედუფალო ღუთისმშობელო, ყოველთა მტერთა ჩემთაგან, ხილულთა და უხილავთა და ყოვლისაგან ბოროტისა ვითარებისა. ყოველსა ადგილსა და ყოველსა ჟამსა მექმენ მე, დედაო კურთხეულო, ზღუდე უბრძოლველი და მტკიცე შუამდგომელო. ჰოი, ყოვლადწმიდაო დედუფალო, ქალწულო ღუთისმშობელო, შეიწირე ესე უღირსი ლოცუანი ჩემნი და დამიცევ მე უცნაურისა სიკუდილისა და უკანაჲსკნელსა მას ჟამსა მომმადლე მე სინანული. ყოვლადწმიდაო ღუთისმშობელო, გუაცხოვნენ ჩუენ. გამოშჩნდი შენ მფარველ ყოვლისა ცხორებისა ჩემისა, ყოვლადწმიდა, მიხსენ მე ეშმაკთაგან ჟამსა სიკუდილისა ჩემისასა. და მშვიდობით განმისუენე მე. მოწყალებასა შენსა მოვილტვით, ღუთისმშობელო ქალწულო, ვედრებასა ჩუენსა ნუ უგულებელს-ჰყოფ, არამედ განსაცდელისაგან გვიხსენ ჩუენ მხოლოო წმიდაო და კურთხეულო. ყოვლადწმიდაო ღუთისმშობელო, გუაცხოვნენ ჩუენ.