ძველი აღთქმა

ფსალმუნნი

ფსალმუნი 119 (120)

1. გალობა აღსავალთა. უფალს ჩემი გაჭირვების ჟამს მოვუხმე და მიპასუხა.

2. უფალო, იხსენი ჩემი სული ცრუ ბაგეთაგან, მზაკვარი ენისაგან.

3. რას მოგცემს შენ და რას შეგძენს შენ ენა მზაკვარი?

4. მეომრის მომახულ ისარს, წნორნარის ნაკვერცხლებთან ერთად.

5. ვაიმე, ხიზანი ვარ მეშექისა, ვბინადრობ კედარის კარვებთან.

6. დიდხანს მკვიდრობდა ჩემი სული მშვიდობის მოძულეებთან.

7. მე მშვიდობა მსურს და რომ დავილაპარაკებ, ისინი საომრად ემზადებიან.